amalinks wokungena

Breaking News

IZANU PF Ingqoba Kukhetho LweChiredzi South Lolwezabelo


Ibandla le ZANU PF lithi yilo elilosekelo olunengi elizweni ngoba ligcina izithembiso elizenza sikhathi sonke ebantwini nxa likhankasela ukhetho.

Lokhu kulandela ukunqoba kwalo kukhetho obelukhona ngempelansonto, lokudinga umeli weChiredzi South edaleni lephalamende lolwamakhansila agoqela owe Bulilima lowe Bubi-Mguza.

Umsekeli ka National Political Commissar ku ZANU PF, uMnu Richard Ndlovu ulandule ukuthi ibandla lakhe lisebenzisa ukudla ukuhuga abantu, esithi kusobala ukuthi lilosekelo ngoba amabandla aphikisayo engathembeki. Lokhu kuphume kungxoxo ayenze loSithandekile Mhlanga owe Studio 7.

Kulunye udaba oluhambelana lalolu, ingcwethi ecubungula ezombusazwe, njalo eyisiphathamandla se nhlanganiso edinga isisekelo esitsha sombuso, iNational Constitutional Assembly, uMnumzana Felix Mafa utshele uSithandekile Mhlanga weStudio 7 ukuthi iZANU PF ingqobe ngoba abantu bethuselwe kakhulu ngaphambilini kokhetho njalo abanye bakhangwa ngokudla ukuthi bavote, okusobala ukuthi amabandla aphikisayo awasoze afa anqoba kukhetho, nxa isisekelo sombuso singaguqulwanga.

Ezinye izindaba zeStudio 7 ...

XS
SM
MD
LG