U Mongameli Robert Mugabe kusasa unanza imimyaka engamatshumi ayisitshiyagalombili lantathu yokuzalwa ngesikhathi ilizwe libhekane lobunzima obukhulu bokubhidlika kwezomnotho okuqhubeka ngesiqubu esimangalisayo. Idili elibiza izigidi ezedlula ezingamatshumi amathathu zamadollar, lizakwenzelwa edolobheni le Gweru ngolwesihlanu ntambama.
Namhla ntambama u Mugabe ube ukhangelelwe ukwethula ingxoxo emsakazweni owe Television ekhuluma mayelana lokudazuka kwebandla lakhe, esola uNkosikazi Joyce Mujuru kodwa ekhuluma okuhle ngoMnumzana Emmerson Munangagwa. Ingxogxo le kubikwa eseyenzile kodwa izasakazwa ntambama.
Ingcwethi kwezombusazwe zithi u Mugabe unanza ilanga lakhe lokuzalwa ezinye izisebenzi zikahulumende ziphakathi kokukhalala umsebenzi njalo kulengxabangxoba kubandla lakhe le ZANU PF yokuthi ngubani ozathatha isikhundla sakhe.Olunye udubo olukhulu u Mugabe abhekane lalo ngolokwengezelelwa kwelizwe le Zimbabwe izijeziso zenotho yinhlanganiso ye European Union okomunye umnyaka owodwa.
Kodwa inengi le Zimbabwe lisola ukunanzwa kwelanga leli ilizwe libhekane lendlala embi.U Brenda Moyo we Studio7 uxoxe lomongameli webandla le ZAPU FP umnumzana Paul Siwela esipha umbono wakhe phezu kwaloludaba.