Inengi lababalisi elibuyele emsebenzini izolo ngemva kokukhalala umsebenzi lisola iholo eliphansi lithi lisebenza limadolo nzima ngoba lingathokozi ngemali encane engezelelwe eholweni labo.
Umbalisi onguye ohola imali ephansi, usezathola inkulungwane ezedlula amakhulu amahlanu, i$500 000.
Ababalisi abakhulume le Studio 7 bathi kuvele kuyinhlamba ukuthi imali ephansi abayiholayo ilinganiswe laleyo ethiwa ngeye Poverty Datum Line bona bengabantu abaqeqetshileyo njalo abalomlandu omkhulu emsebenzini yabo. Omunye wababalisi laba, uMnumzana Vusumusi Mahlangu utshele uSithandekile Mhlanga weStudio 7 ukuthi umumo obusezikolo ubudanisa lamuhla ngoba ababalisi bebezidonsa nje ukuyafundisa emakilasini, kukanti lenengi labantwana lingabuyanga ezikolo.