Abamabhizimusi bakhweze intengo ngesilinganiso esesabekayo lamuhla koBulawayo bejahe ukwenqabela uhlelo lokumisa ukukhwezwa kwentengo yezinto kanye lokukhwezwa kweholo lezisebenzi okuqala nje ngenyanga ezayo.
Ukukhwezwa kwentengo yezinto lamuhla kutshiye uzulu ehlaba umkhosi ngoba ikhwezwe ngesilinganiso esiphezulu kakhulu.
Ukudingisisa esikwenzileyo kuveze ukuthi into lezi zigoqela isinkwa, impuphu, utshwala, inamnede kanye lamafutha okupheka.
Abaninibhizimusi bathi ezinye izinto zizakhwezwa intengo kusasa lapho okuphela linyanga singakasunguli ezayo. Imbangela yokukhwezwa kwentengo lokhu, abaninibhizimusi bathi benzela ukuthi benelise ukulondoloza intengo zabo zibephezulu njengoba bezabe bengasavunyezwa ukukhweza kusukela mhlaka 1 March.
Intengo yesinkwa endaweni ezinengi iqonge isuka kunkulungwane phose ezimbili, $1 800 yaya kunkulungwane ezinthathu $3 000, kuthi umgodla we10 kg yempuphu waqonga usuka kunkulungwane ezilitshumi lambili yaya kwezilitshumi lanhlanu zamadollar.
UBabongile Dlamini usipha loludaba.