amalinks wokungena

Breaking News

Zibe ngutshiki lobhanqa phakathi kweHighlanders leAl Ahly yele Egypt


Umdlalo wehlandla lakuqala wesigaba sakuqala semidlalo ye African Champions League yalonyaka obuphakathi usudale inkalakatha yempikiswano phezu kokuba bekufanele yini ukuba iqembu lasekhaya ele Highlanders lijonge ukuvikela isango kulokuba lizikhathaze ngokuhlohla.

Uzulu obukele umdlalo wayizolo phakathi kwentshantshu zakuleli iqembu leHighlanders leqembu eliphethe isicoco sokuba zintshantshu zase Africa ele Al Ahly, wona ophele zingutshiki lobhanqa zingahlohlananga, kavumelani phezu kokudlala kweqembu le Highlanders elisebenzise amaqhinga abanengi abakade bekhangelele ukuba azasentshenziswa liqembu le Al Ahly awokuchitha isikhathi mahlayana kanye lokuvimba igedi bengazikhathazi ngokuya phambili.

Kulecele elithi umqeqetshi weqembu le Highlanders u Methembe Ndlovu usebenzise lawamasu ngoba esesaba ukuba angadlala umdlalo ongasiwo wobugwala iqembu lakhe belizadliwa kabuhlungu elaluke yena esetshaywe ngabalandeli abavele bengathokozi ngendlela amisa ngayo abadlali bakhe enkundleni, i Formation ngesilungu.

Ukunqoba kweqembu le Western Panthers kumncintiswano obukhona ngempelaviki owe Matabeleland Sevens Mini Tournament sekuchazwe ngomunye owake wadlalela leliqembu ekusungulweni kwalo lisaziwa ngokuthi yi Highlanders u Frank Ndlovu njengesibonelo sokuthi umdlalo we Rugby usugxile impande ngasemalokitshini ahlala abanengi.

Amaqembu amela isizwe emdlalweni we Basketball ehluleke ukusebenzisa ithuba lokudlala esekhaya kumkhankaso yokudinga amaqembu azamela isizwe emidlalwemi yama All-Africa Games ezaqhutshelwa elizweni lase Algeria kanye le Africa Nations Cup ezaqhutshelwa ngase Angola. lokhu kungaphumeleli kwamaqembu akuleli kuchazwe zingcitshi zomdlalo njengempumela yokungaphatheki kumidlalo lamanye amazwe eminyakeni edluleyo.

Intathelizindaba yethu yezemidlalo u Joseph Njanji usipha loludaba ndawonye lezinye.

Ezinye indaba ngesiNdebele...

‚Äč
XS
SM
MD
LG