amalinks wokungena

Breaking News

Amaphephandaba E Mirror Group Of Companies Amisa Umsebenzi


Owayengumnikazi wama phephandaba e Mirror Group of Companies agoqela i Daily le Sunday Mirror,u Mnumzana Ibbo mandaza uthi uzimisele ukuqalisa umsebenzi wamaphephandaba akhe njengoba imithethwandaba yelizwe yawabuyisela kuye,kodwa wavinjwa ukuqhuba umsebenzi wakhe yilabo akade sebewathethe. U Mandaza utsho lokhu ngemva kokuba abakade beqhuba imisebenzi yamaphephandaba la sebe mise umsebenzi besithi abala maphepha okudindela la maphephandaba.

Amaphephandaba la abikwa athathwa ngabasebenza becatshile ama CIO ngenjongo yokwethula indaba ezincoma uhulumende, ngemva kokubana u Mandaza ethule,kumaphephandaba akhe udaba lokusola uhulumende ngohlelo lokudilizelwa kwabantu izindlu olwe Murambatsvina.Kodwa abasikibebunda bathi ama CIO akasela mali yokuqhuba umsebenzi osokubangele ukuthi izisebenzi zawo zingatholi iholo kusukela ngenyanga ka January. Inhlanganiso yentathelizindaba i Zimbabwe Union of Journalists ikhala ngokulahlekelwa kwemisebenzi kwentathelizindaba ebezisebenzela amaphepha la.

Ingcwethi ebona ngezokwethulwa kwemibiko u Mnumzana Nhlanhla Ngwenya ongumsekeli ka mqondisi wenhlanganiso ye Media Monitoring Project of Zimbabwe i MMPZ, utshele u Brenda Moyo we Studio 7 ukuthi kukhanya kuzathatha isikhathi eside ukuthi amaphephandaba la aqale ukudindwa njalo, laloba abanini bawo bethembise ukuthi azavula njalo ngo Mvulo.

Ezinye Indaba Ze Studio7..

XS
SM
MD
LG