Inhlanganiso ye Christian Alliance, eyiyo eqoqe umbuthano we Save Zimbabwe Campaign ithi isacubungula inane labantu elibotshiweyo, idingisise lokunye okwenzakeleyo, njalo izaba lemihlangano etshiyeneyo egoqela ezawenza le ntathelizindaba eSouth Africa kusasa.
Umfundisi Lucky Moyo, isiphathamandla senhlanganiso le utshele u Sithandekile Mhlanga we Studio7 ukuthi ukufa komuntu lokubotshwa kwabanye okwenzakeleyo, akusoze kumise umbuthano we Save Zimbabwe Campaign ukuthi uqhubekele phambili ngemisebenzi yawo. Ababotshiweyo bagoqela uMkhokheli welinye lmacele eMDC uMnu Arthur Mutambara olokhe engakafinyelelwa ngamagqwetha.