Ingcwethi kwezombusazwe zithi umumo uqhubekela phambili usiba mubi elizweni, uhulumende elokhe esiya phambili ngokuhlukuluza abantu,intengo yezinto ilokhe iqonga isiya phezulu, lakho nje ukungabuswa kuhle kwelizwe. Okwakhathesi uzulu ubikwa edideke ingqondo ngokuqonga mahlayana kwentengo yezinto zonke jikelele. Umumnumzana Timothy Mkhwananzi ingcwethi ecubungula ezombusazwe lezenotho utshele u Brenda Moyo we Studio 7 ukuthi uhulumende kumele avume ukwehlisa amandla e dollar le Zimbabwe uma lilinganiswa lemali yakwamanye amazwe.
U Mkhwananzi upha umzekeliso wokuthi i $100 ye Melika ingantshintshwa okusemthethweni e Zimbabwe nge $250 iba yi $25 thousand dollars kuphela, engeneli ngitsho ukuthenga ama litre amabili amafutha ezimota.kodwa i $100 yemelika ithenga ama litre edlula alikhulu kwele Melika, esithi uhulumende kumele enze kuhambelane.