amalinks wokungena

Breaking News

Inengi Labasakhulayo LeMDC Lidlalela Evalweni Ngemva Kokudingwa Ngamapholisa


Inengi lamalunga ecele le MDC elikhokhelwa nguMnumzana Morgan Tsvangirai ko Bulawayo, ikakhulu intsha lithi lihlezi licatshele amapholisa ngoba lidingwa ngamehlo abomvu kuthiwa yilo elenza udlakela.

Obona ngokwethulwa kwemibiko esigabeni sako Bulawayo kulelibandla, uMnumzana Felix Mafa uthi kulokwesaba kulesisigaba njalo amanye amalunga ebandla lakhe awasakhululekanga ngoba ehlezi elandelelwa ngamapholisa, ehlolisiswa ukuthi enzani.

Kunjalo nje elinye ilunga lalelibandla, uMnumzana Tichatonga Mpofu obotshwe kumaviki amabili edluleyo, umiswe phambi komthethwandaba lamuhla wakhululwa ngemva kokuhlawuliswa inkulungwane ezingamatshumi amahlanu zamadollar, i$50 000, yesibambiso njalo uzabuyela emthethwandaba ekuqaleni kwenyanga ezayo.

UMpofu wetheswa icala lokuthi yena kanye labanye batshisa amathaya phezu kwenjanji eSizinda, okuphikiswa yiziphathamandla zalelibandla. Igqwetha elimela uMpofu, uMnumzana Simbarashe Chivaura, uchasisa okunengi ngaloludaba.

Ezinye indaba ze studio7...

XS
SM
MD
LG