Umkhokheli welinye lamacele eMDC uMnumzana Morgan Tsvangirai, ube lomhlangano labezindaba eJohannesburg lamhlanje.
Ekhuluma labezindaba baseSouth Africa labakwamanye amazwe, uMnumnzana Tsvangirai uthe ngemva kokukhethwa kukaMongameli Mbeki ukuthi abe ngumlamulankunzi edabeni lweZimbabwe, sekufuze kusetshenzwe kungaphoziswa maseko. Uthe ukwehluleka kwama Africa ukuxazulula inkinga zeZimbabwe kungahle kube lihlazo, njengoba umhlaba wonke jikelele uzalubhekisa kuzwekazi emidlalweni yenguqu ngo 2010.
U Tsvangirai uthi kuyathokozisa ukuthi uRobert Mugabe uphe isiqiniseko emazweni eSADC, ukuthi ukhetho luzaqhutshwa ngomnyaka ozayo hatshi ngo 2010 njengoba ebefisa. Ubuye wathi elinye inyathelo elithokozisayo ngelithethwe yinhlanganiso yeSADC elokukhetha uMongameli Thabo Mbeki ekuxazululeni inkinga KwelikaMzilikazi.