Osetshiya isikhundla sokuba ngunobhala wedolobho lako Bulawayo ekupheleni kwayonale inyanga u Mnumzana Moffat Ndlovu uthi ukhangelele ukuqhubeka encedisa omanisipala bamanye amadolobho ukuqhuba inhlelo zawo ezehlukeneyo. Okhangelelwe ukuthatha isikhundla lesi ngu Mnumzana Gilbert Mlilo obelesikhundla sinye kumanisipala wedolobho le Gwanda.
U Ndlovu osebenzele u manisipala wako Bulawayo okweminyaka engamatshumi amabili lane uthi iminyaka yonke le umanisipala wako Bulawayo wenelise ukuqhuba umsebenzi laloba umnotho welizwe ubulokhe uqhubeka usiwa.