Iziphathamandla zecele leMDC elikhokhelwa nguMnumzana Morgan Tsvangirai ezibotshwe ngoMvulo koBulawayo zasiwa eHarare azaziwa ukuthi zingaphi.
UMnumzana Bhekithemba Ndlovu loNkosazana Sikhululekile Nkala abogatsha lwabasakhulayo bathethwe ngamapholisa basiwa enkambeni yeMatapi.
Idale leSupreme Court nyakenye linqume ukuba linkamba ivalwe ngoba ingcolile njalo iminyene.
Amalunga la abikwa esetheswa icala lokubhomba indawo ezitshiyeneyo zelizwe.
Amagwetha abo athi amangaliswe yikuthi uNkala loNdlovu bebengekho emthethwandaba lamuhla kuze kulethwe abanye babo njalo amangaliswe yikuthi amapholisa aphange asa abanye babo laba emthethwandaba bona bengazi.
Imuli zamalunga la lazo zithi kazazi ukuthi bagcinwa kusiphi isitokisi.
Inengi lalabo ababotshiweyo bathethwe emahofisini eMDC ngemva kokuba amapholisa engene ngodlakela kiwo.
Kunjalo nje. inkokheli yomanyano wabezinkonzo, iChristian Alliance ibizwe enkambeni zensoli zikahulumende, ama CIO lamasotsha lamapholisa, aziwa ngokuthi yi Joint Command abuzisiswa okwamahola afika phose alitshumi ngomhlangano wabo okhangelwe ukwenziwa ngomgqibelo. IChristian Alliance iqoqa umbuthano wokuthandazela ilizwe ensontweni yeSaint Patricks eMakokoba ngoMgqibelo phansi komanyano wenhlanganiso ezilembono ehlukene lekahulumende, iSave Zimbabwe Campaign.
Inkokheli yenhlanganiso ezitshiyeneyo ezigoqela ezamacele womabili eMDC, uMorgan Tsvangirai lo Arthur Mutambara zikhangelelwe ukukhuluma emthandazweni lo. Ababuzisiwe ngomhlangano lo ngama CIO ngabafundisi, uRaymond Motsi lo Patson Netha.
UChris Gande westudio 7 ube lethuba lokuxoxa lomfundisi Motsi esemahofisini eJoint Command wamchasisela ngokwenzakeleyo.