Idale lephalamende selithe kalisafuni uncedo lwemali evela kuhulumende weMelika phansi kogatsha lwe USAIDd kade luncedisa amakomidi edale lephalamende.
Usibalukhulu wedale lephalamende, uMnu. Austin Zvoma, ulobele incwadi ugatsha lwe USAIDd esithi isivumelwano sedale lephalamende legotahsa lolu sesicitshiwe ngoba uhulumende weMelika esithi usebenzelana lamanye amalunga edale lephalamende ukuthi kugengqulwe umbuso kaMongameli Mugabe.
Okhokhela amalunga eZANU PF edaleni lephalamende, uMnu. Joram Gumbo uthi lanxa besazi ukuthi limbiko yokugengqula uhulumende ingamanga ibacunulile kakhulu.
UGumbo utshele uChris Gande weStudio 7 ukuthi babone kungcono ukuthi behlukane logatsha lwe USAID ngoba amakomidi la ezaqhuba umsebenzi laloba engalancedo lukahulumende weMelika.
Kunajlo nje, umgcinisihlalo wekomidi yedale lephalamende ebona ngendleko zenhlanganiso zikahulumende, iPublic Accounts, uNkosikazi Priscilla Misihairambwi Mushonga uchasisele uChris Gande weStudio 7 ukuthi lesi sehlakalo sizaletha dubo bani kumakomidi la.