amalinks wokungena

Breaking News

Imithi Yama ARVs Ilokhe Isilela Elizweni


Inengi lasebephila le gcikwane lengulaza i HIV le aids sebekhetha ukungathengi imithi yama ARVs ngenxa yentengo yawo esiqonge kakhulu, sebebona kungcono ukuthi imali abayitholayo ibe ngeyokuphilisa imuli zabo. Intengo yama ARVs ibiqalisela kubo nkulungwane ezingamakhulu amane zamadollar -$400,000 kodwa lintengo isiqonge okuphindwe kabili.

Omunye olesitolo esithengisa i mithi edolobheni le Harare ongathandanga ukuqanjwa ngegama uthi abantu abalokhe besenelisa ukuthenga ama arvs yizikhulu zikahulumende we zanu pf labalimi abalamapulazi amakhulu, labanye osomabhizimisi kuphela, esithi iphilisi lama ARVs elilodwa kodwa lilemithi emithathu elibizwa ngokuthi yi tripple therapy, selibiza inkulungwane ezingamakhulu athoba munwe munye zamadollar - $900,000 ngenyanga.

Udokotela Elopy Sibanda ingcwethi kwezomkhuhlane wengculaza uthi into ebuhlungu yikuthi uhulumende usevumile ukuthi laye kasenelisi ukutholisa asebephila legcikwane bonke imithi yama ARVs.

Ezinye Indaba Ze Studio7..

XS
SM
MD
LG