U Sibalukhulu we Bhanga elikhulu lelizwe i Reserve Bank of Zimbabwe u Mnumzana Gideon Gono ukhangelelwe ukwethula uluhlu lokusetshenziswa kwemali elizweni i Monetary Statement kusasa, laloba ubemele enze lokhu ngenjanga ka July. U Gono wandise ukwethula i Monetary Statement ngenyanga ka January lo July. Ingcwethi kwezomnotho ,u Mnumzana Clemence Sibanda utshele u Brenda Moyo we Studio 7 ukuthi imbangela yokuthi u Gono ethule lolu luhlu masinyane yikonakala komumo wezinto elizweni kundaba zomnotho.
U Gono ukhangelelwe ukwehlisa isisindo se Dollar le Zimbabwe uma lilinganiswa lemali yakwamanye amazwe, into u Sibanda athi ilungile kwezokuthengiselana lamanye amazwe kodwa ingaletha ukuqonga kwentengo yezinto zonke, impilo ibenzima kuzulu.
Kunjalo nje umsekeli we sikhulumi secele le MDC elikhokhelwa ngu Mnumzana Arthur Mutambara, u Mnumzana Abednico Bhebhe uvumelana lo Sibanda ukuthi u Gono kasela macebo okulungisa umnotho welizwe.