amalinks wokungena

Breaking News

Iziphathamandla ze Zanu PF Zilimala Zisilwa


Kubikwa kulimele amalunga eZanu PF ambalwa ngeNsonto ngemva kokulwisana okubi ngamatshe lezibhakela eMasvingo ngempelasonto.

Abalimeleyo bagoqela owayengusibalukhulu weMasvingo, uMnu. Josaya Hungwe lomela lindawo edaleni lephalamende, uNkosikazi Enita Maziriri.

Lokhu kulwisana kuqhamuke ngemva kokhetho lokudinga amalunga azakhokhela lesisigaba.

Isehlakalo lesi silandela ukumiswa kokhetho olufanayo koBulawayo ngeNsonto. Kubikwa bekulamaxuku amabili kukhetho lolu elinye elincinyane lisemahofisini ebandla kwathi elikhulu liphandle libikwa likhokhelwa nguMnu. Jabulani Sibanda owayengumkhokheli wabalwela inkululeko yelizwe.

Ingcwethi zithi ukulwisana lokhu kutshengisa ukudabuka phakathi kwebandla leZANU PF, elinye icele likhokhelwa nguMnu. Emmerson Mnangagwa elinye likhokhelwa nguNkosikazi Joyce Mujuru lomkakhe, uMnumzana Solomon Mujuru.

USibanda utshele uChris Gande westudio seven ukuthi ukudabuka okukhona kubangelwa yibusela lokungathembeki kwenye inkokheli ye ZANU PF.

Njengoba istudio seven ingasekeli hlangangothi, uChris Gande uthinte uMnumnumzana Dumiso Dabengwa ongomunye wenkokheli yedale elimqoka leZANU PF, I politburo, esetheswa icala lokungabilosekelo nguMnu. Sibanda.

Ezinye indaba ze studio 7...

XS
SM
MD
LG