amalinks wokungena

Breaking News

Inhlanganiso yeHuman Rights Watch Yethula Imbiko Yokwephulwa Kwelungelo Loluntu eZimbabwe


Inhlanganiso ebona ngokulondolozwa kwelungelo likazulu emhlabeni jikelele, iHuman Rights Watch, ithi amakhulu abantu abotshiwe amanye atshaywa kabuhlungu eZimbabwe kunyanga ezimbili ezidluleyo.

Embikweni wayo owethulwe lamuhla ophansi kwesihloko esithi "Bashing Dissent; Escalating and State Repression in Zimbabwe" linhlanganiso ithi imizamo kamongameli Thabo Mbeki yokuthi uMongameli Mugabe akhumisane umlotha labalembono ehlukene leyakhe ibe liphutha ngenxa yokubotshwa lokutshaywa kwabantu, ikakhulu amalunga amacele eMDC womabili.

Umbiko wenhlanganiso le uqhubeka usithi uchuku lodlakela lukahulumende luvuthe amalangabi mhlaka 11 ngenyanga kaMbimbitho embuthanweni weSave Zimbabwe Campaign okutshaywe khona inkokheli yeMDC.

Isiphathamandla senhlanganiso elwela ilungelo likazulu elizweni, iZIMRIGHTS, uMnu. Clemence Moyo, utshele uChris Gande weStudio Seven ukuthi ukungananzi amalungelo kazulu kuzabangela ukuthi inkulumo zabezombangazwe zingaphumeleli.

Ezinye indaba ze studio7…

XS
SM
MD
LG