UMongameli Robert Mugabe usole kakhulu inkokheli yeNsonto yeRoma ngokuloba incwadi emkhuthaza ukuthi alungisise umbuso ngoba kungaba lumvukela elizweni. Ihlanganiso ye Catholic Bishops Conference yethule lincwadi ngenyanga edluleyo isithi imithetho eyayisetshenziswa ngesikhathi sombuso wabamhlophe ilokhu isetshenziswa ukubandezela ilungelo likazulu.
UMongameli Mugabe, okhonza iNsonto yeRoma, uthi lokhu okukhulunywa ngamaBishop yize njalo wabacebisa ukuthi bangadlali ngomlilo ngoba bezazisola. Wengezele wathi ukuba ngubishop akutsho ukuthi umuntu engabe elomoya ongcwele ngoba abanye obishop bengaya egeheni kodwa abantukazana beye ezulwini.
Umgcinisihlalo womanyano wabezokholo, iZimbabwe Council of Churches, ubishop Wilson Sitshebo, utshele uChris Gande westudio seven ukuthi umongameli Mugabe kumele avume ukuthi kulodubo elizweni akhulumisane labantu.