Icele lebandla le MDC elikhokhelwa nguMnu Arthur Mutambara lithi idili ebelilalo ngempelaviki eKumbudzi esigabeni seMzingwane liphumelele kakhulu ngoba abantu beze ngobunengi babo.
Idili leli, ebelingelokuthakazelela ukunqoba kuka khansila Elliot Dube ka ward 12 kulesisigaba, belilenkokheli yebandla leli kanye labantu abavela ezigabeni ezitshiyeneyo ze Matabeleland South lakwezinye izigaba zelizwe.
Omela iMzingwane edale lephalamende, u Nkosazana Nomalanga Khumalo utshele uSithandekile Mhlanga westudio7 ukuthi umkhokheli walelibandla, uMnumzana Arthur Mutambara ugcizelele ukuthi kufanele besebenzelane ndawonye lelinye icele le MDC, elikhokhelwa nguMnu Morgan Tsvangirai, ngokukhetha ilunga elilodwa ukuthi lincintise kuloba yiluphi ukhetho.