amalinks wokungena

Breaking News

Uhulumende weAustralia Walisa Iqembu LeCricket Ukuthi Lingayidlala eZimbabwe


Uhulumende weZimbabwe usecebise uhulumende weAustralia ukuthi angalisi iqembu le cricket lalelolizwe ukuyadlala ezimbabwe.

Lokhu kulandela isingqumo senhloko kahulumende weAustralia, uJohn Howard sokuthi iqembu lalelo lizwe lingayidlala eZimbabwe njengendlela yokutshengisela ukungathakazeleli ucuku lukahulumende weZimbabwe. UHoward uthi iqembu leAustralia lingadlala lelezimbabwe nxa amaqembu la engadlalela kwelinye ilizwe elingasozimbabwe.

Uhulumende weSouth Africa usevumile ukuthi amaqembu la womabili engadlalela elizweni leli. Umphathintambo wezokuqutshwa kwembiko, uSikhanyiso Ndlovu, utshele intathelizindaba izolo ukuthi iZimbabwe lilizwe elilozibuse ogcweleyo yikho lingasoze libanjwe ngamandla ukuthi lilandele izingqumo zikahulumende weAustralia.

Omunye walabo abatshotshozela abadlali beAustralia ukuthi bengayi eZimbabwe ngu Sekai Holland, ilunga lecele leMDC elikhokhelwa ngu Morgan Tsvangirai owathathwa eAustralia. Uchasisele uChris Gande weStudio 7 okunengi ngodaba lolu.

Ezinye izindaba zeStudio 7...

XS
SM
MD
LG