Umanyano wabezinkonzo, amabandla ezombusazwe lenhlanganiso ezizimeleyo owe Save Zimbabwe Campaign uqoqa ugwalo oluzakwethulelwa u Mongameli Thabo Mbeki wele South Africa kunsuku ezimbalwa ezilandelayo. Injongo yomanyano lo ngeyokuthi u Mbeki avume ukuthi udaba lwe Zimbabwe alusoze lulungisiswe ngamabandla e MDC le ZANU PF kuphela kodwa uzulu wonke we Zimbabwe kumele aphatheke kunkulumo azazenza lamabandla la.
U Pastor Ray Motsi isiphathamandla se Christian Alliance ebumba umanyano we Save Zimbabwe Campaign uchasisela i Studio 7 ukuthi kungani uzulu we Zimbabwe kumele atsho laye akufisa kwenziwe elizweni.