amalinks wokungena

Breaking News

Inkokheli YeZanu PF Iyajeziswa Ngokumiswa Ukuba Ngamalunga


Ibandla leZanu PF koBulawayo selijezise amalunga angamatshumi amane lanhlanu ngokuwamisa ukuba ngamalunga alelibandla.

Umsekeli kamgcinisihlalo weZanu pf koBulawayo njalo ekhokhela ugatsha lwezijeziso, uMnumzana Silas Dlomo uthi amalunga la ale ukuya emhlanganweni obizwe ngumqondisi wezingqumo zebandla, uNational Comissar, uMnumzana Elliot Manyika lomgcinisihlalo, uMnumzana John Nkomo.

Lumhlangano owenziwe mhlaka 13 kulinyanga wawungowokuhluza ukudabuka kwalelibandla koBulawayo ngemva kokuba abasekela umkhokheli wabalwa impi yenkululeko uMnumzana Jabulani Sibanda bale ukuthi kube lokhetho lokudinga inkokheli yakoBulawayo. Sikhuluma nje lolukhetho alukenziwa. Isikhulumi seZanu PF kobulawayo, uMnumzana Effort Nkomo, utshele uChris Cande weStudio 7 okunengi ngaloludaba.

Kunjalo nje, inengi koBulawayo lithi okwenzakala kuZanu PF kulelidolobha kutshengisa ukuthi lingaqhubeka linje lizangqotshwa kukhetho olungenziwa kulelidolobho.

Owake waba lilunga leZanu PF wasexotshwa uMnumzana Matson Hlalo, oselilunga lecele leMDC elikhokhelwa nguMnumzana Morgan Tsvangirai uphe uChris Gande weStudio 7 imbono yakhe ngalesi sehlakalo.

Ezinye izindab zeStudio 7...

XS
SM
MD
LG