Inhlangansio emela izisebenzi eye Zimbabwe Congress of Trade Unions i ZCTU ithi iqoqa ukutshengisela ngenyanga ezayo ngenjongo yokuthi abaqhatshi bengezelele izisebenzi iholo. I ZCTU ithi okwakhathesi akukakwaziwa ukuthi izatshengisela ngaziphi indlela, kodwa ukutshengisela kwayo ngenyanga ka March akuzange kuphumelele kangako ngoba izisebenzi ezinengi zesaba ukuxotshwa, ngakhoke zaya emsebenzini.
U Mnumzana Japhet Moyo osaphethe isikhundla sika nobhala jikelele we ZCTU utshele u Brenda Moyo we Studio 7 ukuthi izisebenzi ze Zimbabwe ziyesaba ukutshengisela ezitaladeni ngoba zisesaba ukubulawa nguhulumende we ka Mongameli Robert Mugabe.
