Inkampani yamandla kagetsi, iZimbabwe Electricity Distribution Company, iZEDC, isikhweze intengo kagetsi ngesilinganiso esiphindwe ngamatshumi amahlanu ekhulwini.
Lokhu kwenzakala kulodubo lokucitshwa mahlayana kwamandla kagetsi. Isiphathamandla se ZEDC, uNkosikazi Gloria Magombo, uthi lokhu kubangelwe yikukhwela kwesilinganiso sokonakala komnotho welizwe, iinflation, esesiqonge sayathi gwaqa kusilinganiso se 3 700 percent, esiyiso esikhulu emazweni womhlaba wonke jikelele.
UMagombo uthi lokhu sekubangele ukukhwela kwendleko zokulungisa amandla kagetsi yikho labo sebengezelele imbadalo kagetsi.
Ingcwethi ecubungula ezombusazwe njalo eyisiphathamndla secele leMDC elikhokhelwa nguMnu. Morgan Tsvangirai, uMnu. Felix Mafa, uphe uChris Gande imbono yakhe ngaloludaba.