Idolobho lakoBulawayo selitshelwe ngamanye njalo amadamu amanzi okukuthi kusiyafika inyanga ezine kuyabe sekusele idamu elilodwa nje zwi. Sikhuluma nje amadamu amabili, uMzingwane lo Upper Ncema kabasela manzi.
Lokhu kubangele ukuthi umanisipala wakoBulawayo athathe amanyathelo agoqela ukuvala amanzi imini yonke lokwemba izikotsho emizini ehlala abanengi.
Lokhu sekwengezele udubo kuzakhahamizi ezivele zithwele avuzayo ngenxa yokonakala komnotho welizwe.
Umeya walelidolobho, uMnumzana Japhet Ndabeni Ncube utshele uChris Gande weStudio 7 ukuthi amadamu amabili, iLower Ncema leNyankuni sesilela amanzi.