Lamuhla elemelika lithakazelela uzibuse walo nje, izinto zibikwa zimi manzonzo kweleZimbabwe, okwenza inengi likhumbule ukuthi owalo uzibuse kalethelanga inkululeko ababeyicabangela.
EleMelika lathola uzibuse walo kwele Bhilithani ngalelanga lalamuhla ngomnyaka ka 1776, kwathi eleZimbabwe lalo lathola owalo uzibuse ngo 1980 lizixakulula kumbuso welizwe elifanayo.
Umnu. Dumaphi Mema, isizalwane se Zimbabwe esihlala kwele Melika, okhokhela inhlanganiso ye Association of Zimbabweans Based Abroad, utshele u Sithandekile Mhlanga we studio 7 ukuthi abantu beMelika bakhululekile njalo impilo yabo ingcono kulenengi kwele Zimbabwe.