amalinks wokungena

Breaking News

Uhulumende WeSouth Africa Ukhonona Ngokubotshwa Kwabosobhizimusi BeSouth Africa eZimbabwe


Uhlumende weSouth Africa usetshengise ukudana ngokubotshwa kweziphathamandla zamankampani alelolizwe aseZimbabwe.

Amankampani aweSouth Africa aleziphathamandla ezibotshiweyo kumbe ahlawuliswe imali ngenxa yokwephula umthetho wokwehlisa intengo yezinto abalisa iInnscor Africa Limited eyiyo elamankampani athi iNandos leChicken Licken, iSpar, Edgars leColcom. Isikhulumi sikamphathintambo obona ngokwenzakala phandle kweSouth Africa, uMnumzana Ronnie Mamoepa uthi osobhizimusi bakweleSouth Africa abaseZimbabwe kumele bacele uncedo kuziphathamandla zesigodlo salelolizwe eZimbabwe.

Isikhulumi samapholisa, uChief Superintendent Oliver Mandipaka utshele iStudio 7 ukuthi sekubotshwe osobhizimusi abanye njalo lamuhla abedlula amakhulu amane osekubangele ukuthi inane lababotshiweyo lifike kunkulungwane eyodwa lamakhulu ayisikhombisa , 1 700, phansi kohlelo oluthiwa Operation Dzikamayi. Abathengisa emikambo yamaflea markets, abathenga bethengisa imali yakwamanye amazwe labanye lamuhla yibo kade bethwaliswe avuzayo.

Osobhizimusi ababotshwe ngemepelasonto bekhangelelwe ukuya emthethwandaba lamuhla kabasayanga ngemva kokuba amapholisa ethe awakaqedi ukuloba amaphepha aphathelane lecala labo.

Kunjalo nje uhlelo lokubopha abangehlisanga intengo, uOperation Dzikamayi, selufike lasemaphandleni. Omela iBulilima edaleni lephalamende engowecele leMDC elikhokhelwa nguMnumzana Arthur Mutambara, uMnumzana Moses Mzila Ndlovu uchasisele uChris Gande weStudio 7 okunengi ngaloludaba.

Abatshayeli bezimota ezithwala uzulu, otshova lamhlanje ekuseni bakhalele ukuthwala abantu ngenxa yokubanjwa ngamandla nguhulumende ukuthi behlise intengo ehlawulwa yizihambi.

Lokhu kwenziwa phansi kohlelo lukahulumende lokwehlisa intengo yezinto ebekade sezikhwela kabili kumbe kathathu ngelanga. UMaSautso Banda uyasipha loludaba.

Ezinye izindaba zeStudio 7 ...

‚Äč
XS
SM
MD
LG