Unobhala kuhulumende we Melika uNkosazana Condoleeza Rice usekhuthaze ohulumende bamazwe alemibuso ekhululekileyo ukuthi abumbe ubudlelwano kwezombusazwe lamazwe lakuzwekazi le Africa, lakuzwekazi leMelika afana labo Cuba. Ekhuluma emhlanganweni we Organisation of American States-oas, le African Union izolo esigodlweni semeleka i Washington DC, uNkosazana Rice uthe abantu bakuzwekazi le America le africa babhekane lendubeko zobuyanga lokungathuthuki kwezomnotho wawo.
Emhlanganweni wamalanga amabili lo uNkosazana Rice ukhuthaze ohulumende bamanye amazwe ukuthi baphathise uzulu we Zimbabwe, Cuba le Burma ukuthola inkululeko lokuhlonitshwa kwelungelo loluntu, eqakathekisa udaba lombuso okhululekileyo emhlabeni jikelele.