Udaba lweZimbabwe beluyindikimba yedale lephalamende eBhilitane, iHouse of Lords izolo, amalunga ekhuthaza ukuthi loludaba luhluzwe emhlanganweni wenhlanganiso yomanyano amazwe ake abuswa ngeleBhilithani oweCommonwealth.
Lelidale lithi uMongameli Mugabe wenza yedwa isingqumo sokusuka kuli nhlanganiso engamelanga izifiso zikazulu. UMongameli Mugabe wasusa iZimbabwe ku Commonwealth, ngomnyaka ka2003. Linhlanganiso ebunjwa ngamazwe ayebuswa yiBhilitane, yazakala ngokuphathisa eyakwenza i South Africa ukusuka embusweni wobandlululo. Lelidale lithi kumele linhlanganiso iphathise iZimbabwe njenga lokho eyakwenza eSouth Africa.
ICommonwealth izaba lomhlangano wenkhokheli yamazwe angamalunga owe CHOGM eUganda ngo Lwezi lonyaka. Ingcwethi ecubungula ezombusazwe njalo elilunga lenhlanganiso ye Association of Zimbabweans Abroad, uMnumzana Dumaphi Mema uphe uChris Gande weStudio 7 imbono yakhe ngaloludaba.