Kubikwa kube kuphithizela lamuhla kunengi lamagaraji athengisa amafutha ezimotha elizweni, abantu bezama ukusebenzisa amaphetshana ama coupons bewaqede amaviki amabili lapho uhulumende athi ayabe engasasebenzi khona, engekedluli.
Abanye babikwa bebonakala bethela iphethulo le emagalanini, okucatshangelwa ukuthi bafuna ukuyigcina.
Ezinye inhlanganiso ezizimeleyo zitshele istudio 7 ukuthi inengi lamagaraji agoqela o Caltex, BP le Shell libathembise ukuthi lizakhulumisana lohulumende ukuthi ziqhubeke zisebenzisa ama coupons la.
Usibalukhulu webhanga elikhulu lelizwe ele Reserve Bank, uMnumzana Gideon Gono ubikwa esola inyathelo leli elithethwe nguhulumende esithi lizawisa ngamandla umnotho welizwe.
Enye inhlanganiso esebenzisa ama coupons la ekuthengeni iphethulo yi Christian Alliance.
Isikhulumi sayo, u Mfundisi Useni Sibanda uthi inyathelo lika hulumende libatshiye bethithibele ngoba abaseyikuzuza amafutha okufinyelela abantu abadinga uncedo ezigabeni zelizwe ezitshiyeneyo.