Icele le mdc elikhokhelwa nguMnumzana Morgan Tsvangirai belilomhlangano omkhulu e White City Stadium ko Bulawayo izolo. Inkokheli yebandla leli, egoqela uTsvangirai ngokwakhe, ibikwa ikhulume lenkulungwane lenkulungwane zabantu ebezibuthene kule indawo, ngezinto ezibahluphayo ezigoqela ukuswelakala kwamanzi, amagetsi, ukudla kanye lenkuthazo yokuthi bebhalise ukuyavota.
Isikhulumi salelibandla ko Bulawayo, uMnumzana Felix Mafa, utshele uSithandekile Mhlanga weStudio 7 ukuthi umhlangano lo uphumelele njalo uqhubeke kuhle ngoba akuzange kube lodlakela oluvelela emapholiseni kumbe ebantwini makhaza.