Umongameli Mugabe lamuhla uvule ihlandla lesithathu ledale lephalamende yesithupha. Njengenjayelo umongameli mugabe uye edaleni leli esuka esigodlweni sakhe ekhatshwe yindwendwe yezimota ezinengi okweabekayo njalo wathi esezafika kulelidale wangena emoteni yohlobo lwe Rolls Royce ebikhatshwe ngamapholisa agade amahatshi. Phandle kwedale lephalamende bekugcwele amalunga eZanu PF ehlabela ingoma ezingcoma umongameli mugabe.
Esethula amazwi akhe kulelidale umongameli mugabe uphethe indaba ezinengi ezehlukeneyo ezithinta uzulu. Umsekeli wesikhulumi secele lemdc elikhokhelwa nguMnumzana Arthur Mutambara, uMnumzana Abednico Bhebhe uchasisele uChris Gande weStudio 7 ngamazwi kaMongameli Mugabe.
Kunjalo nje, ingcwethi ecubungula ezombusazwe, uMnumzana Qhubani Moyo, uthi njengoba leli kulihlandla lokucina ledale lephalamende kungekenziwa ukhetho lokudinga amalunga kuzakuthungqa uthuli kulelidale. UMoyo, okhokhela inhlanganiso yeBulawayo Dialogue utshele uChris Gande weStudio 7 ukuthi idale elikhona libe lamaphutha amanengi kuleladlulayo.