UMongameli George Bush wemelika ukhangelelwe ukukhetha uMnu. James McGee ukuthi athathe isikhundla esitshiywe nguMnu. Christopher Dell, ukuba ngumeli wele Melika eZimbabwe.
UMcGee ubemele eleMelika e Madagascar le Comoros njalo wake wamela ilizwe lakhe eSwaziland ngo2002 kusiya ku 2004.
Ubikwa sewake wasebenza emazweni ase Africa agoqela ele Swaziland le Nigeria. Wasebenza kubutho lemoyeni ele US Air Force njalo ulezicoco azithola ngomsebenzi wakhe lo ngesikhathi sempi eyayiphakathi kwelizwe lakhe le Vietnam.
USithandekile Mhlanga we studio 7 ube lethuba lokuxoxa lomsekeli kamhleli wephephandaba le The Times of Swaziland, uMnu. Wilton Mamba, ukuze sizwe ukuthi uMcGee uvele engumuntu onjani.