Inengi labasekeli becele le MDC elikhokhelwa nguMnu. Morgan Tsvangirai lithi kusobala ukuthi umthetho kawuqhutshwa ngemfanelo elizweni kulandela okuvezwe ngumthethwandaba kukhulukwa amalunga e ebandla leli kuthange eHarare.
Kukhululwe abalitshumi lantathu ngemali yesibambiso i bail, sebehlale inyanga ezine, kwasala ababili njalo bonke bebesetheswa amacala agoqela awokwenza ubudlwangu dlwangu, awokubhomba lokufuna ukugenqula uhulumende.
Kodwa umahluli uMnu. Lawrence Kamocha uthi kusobala ukuthi ipulazi okukhulunywa ngalo ukuthi kwakufundelwa khona ngelamanga njalo labafakazi ababili ababethwa ngamagama ngabantu bokuzibazela nje.
Ingcwethi ecubungula ezombusazwe, uMnu. Gorden Moyo uthi loba lokhu kudanisa, akumangalisi kangako ngoba kuvele kukhona kumbali ye bandla le ZANU PF, elingehlukanisi ezomthetho lezombusazwe.