Inhlanganiso ebona ngezokhetho olukhululekileyo, iZimbabwe Election Support Network, iZESN, lamuhla yethule imbiko ethi uhlelo lokulotshwa kwamagama abazavota aluhambi kuhle. Loluhlelo olwaqala ekuqaleni kwenyanga edluleyo lukhangelelwe ukugqiba kumaviki amabili azayo.
IZESN ithi abantu abanengi abafuna ukulobisa amagama bayehluleka ngoba iziphathamandla zikahulumende zisenza imicimbicimbi eminengi yokubengqabela. Isiphathamandla seZESN, uMnumzana Jack Zava, uphe uChris Gande weStudio 7 okunengi ngaluluhlelo.