Inhlanganiso yezisebenzi, iZimbabwe Congress of Trade unions ithi isidlulisele phambili ilanga lokutshengisela kwayo. Linhlanganiso yangquma ukuba izabe isitshengisele ngemva kwenyanga ezintathu ikhonona ngokwehluleka kukahulumende ukulungisisa inotho yelizwe osekubangele ukuthi izisebenzi ezinengi zibe ngabayanga.
Kodwa lokhu kutshengisela obekumele kwenziwe ngenyanga edluleyo akusabanga khona. Ngomnyaka odluleyo inkokheli yeZCTU yabhaxabulwa ngamapholisa abanye abagoqela unobhala jikelele, uMnumzana Wellington Chibhebhe baze bavukela esibhedlela. UChris Gande weStudio 7 uxoxe loMnumzana Chibhebhe ukuze sizwe ngohlelo lwabo lokutshengisela.