amalinks wokungena

Breaking News

Inengi Likhangelele Ukubona Ingqubela Phambili KaMongameli Thabo Mbeki Ekulungisiseni Udaba LweZimbabwe Ngemva Komhlangano WeSADC


Laloba uzulu weZimbabwe elokhe esemnyameni kudaba lwenkulumo zokukhumisana umlotha phakathi kwamacele omabili e MDC, lebandla elibusayo le ZANU PF ebeziqoqwa nguMongameli Thabo Mbeki we South Africa, izizalwane zeZimbabwe zikhangelele ukuzwa ingqubela phambili kudaba lokulungisiswa komumo oselizweni ngemva komhlangano wabakhokheli bamazwe e SADC, ozakwenzelwa e Zambia ngeviki ezayo. Imibiko ephume namhla ithi uMongameli Mbeki ukhangelelwe ukwethula ugwalo kunhlanganiso ye SDAC oluveza ukuthi uMongameli Robert Mugabe lamacele ombaili e MDC sebeseduzane lokulobelana isivumelwano kunkulumo lezi.

UMnumzana Mqondobanzi Magonya oyisikhulumi senhlanganiso ethiwa Peoples Policy Committee- i PPC eyalobela uMbeki incwadi ngenyanga ka April itshengisa isifiso sokuba yingxenye yalezi nkulumo, utshele u Brenda Moyo we Studio 7 ukuthi okwakhathesi sokukhanya sobala ukuthi izifiso zabo, esinye singesokuthi kulotshwe isisekelo sombuso esitsha ngaphambilini kokhetho, azisoze zifezwe.

u Magonya uthi ngakhoke sebekhangelele ukuthi ngemva komhlangano we Zambia lo u Mbeki kufuze aphumele izizalwane zeZimbabwe egcekeni ngakwenzayo ukulungisisa umonakalo osuselizweni, hatshi ukuqhubeka esenza akwenzayo nsitha.

Ezinye Indaba ZeStudio7..

‚Äč
XS
SM
MD
LG