UMongameli Robert Mugabe usechothoze abanini bamabhizimusi kanye labanini bezakhiwo, wabaqonqosela ukuthi behloniphe uhlelo lokwehliswa kwentengo yezinto ngoba ukungenzi njalo, yikho okubangela ukuwa komnotho elizweni. UMugabe ukhulume lokhu emathuneni, amaqhawe, eNational Heroes Acre lamuhla, lapho obekule nkulungwane lenkulungwane zabantu ebezinanza ilanga lamaqhawe.
Kodwa ingcwethi ecubungula ezombusazwe njalo elilunga lecele leMdc ekhokhelwa nguMnumzana Morgan Tsvangirai, uMnumzana Felix Mafa uthi uMugabe udanisa abantu ngoba engabatsheli okuzathuthukisa impilo zabo, kodwa egcona abanye kuphela. Enza.
Kunjalo nje, uzulu uthi leli bekulikhefu elilobunzima obesabekayo sekulokhu ilizwe lathola uzibuse. Abantu abanengi behlulekile ukuya emaphandleni njengenhlalayenza ngenxa yokusilela kwamafutha ezimota. Kuthi ezitolo bekutshaya umoya kungela okokubamba okwenegezelele ubunzima bekhefu lalamuhla. Uchris Gande weStudio 7 uxoxe lesakhamuzi sakobulawayo, uMnumzana Raymond Phiri ukuze sizwe ukuthi umumo ubunjani ngelanga lekhefu lokukhumbula amaqhawee awalwa inkululeko yelizwe.