amalinks wokungena

Breaking News

UManisipala WakoBulawayo Usesabela  Amankampani Lamafekithali Amanzi


Umanisipala wakoBulawayo usengqume ukuthi amankampani lama industry abelwe amanzi njengalokhu okwenziwayo emizini yabanengi. Lamuhla enkabeni yedolobheni ezinye indawo umsebenzi uke wama okwesikhathi eside ngemva kokuba amanzi evaliwe emankampanini afana lalapho okwelukwa inwele.

Umanisipala uthi ama industry lawo asezathola amanzi ngemva kwamalanga amathathu. Waphinda wengezela isikhathi amanzi azatholakala ngaso emizini yabanengi esithi amanzi asezakuba khona ngemva kwamalanga amane.

Ukhansila wedolobha lakoBulawayo, uMnumzana Angilacala Ndlovu utshele uChris Gande weStudio 7 okubangele ukuthi bathahe leli nyathelo. Kunjalo nje, inyathelo elithethwe ngumanisipala ukwabela amanzi amankampani lama industry lwesatshelwa ukuthi lungabangela ukuvalwa kwamankampani amanengi alelidolobho.

Amankampani amanengi abesevele equme amalanga esisebenzi okuza emsebenzini kulandela ukwehliswa kwentnego yezinto ezitolo. Ingcwethi ecubungula ezenotho njalo ekhokhela inhlanganiso yokuthuthukisa amabhizimusi abansundu, uMnumzana Sam Ncube utshele uChris Gande weStudio 7 ukuthi abamabhizimusi abanengi sethwele nzima ngodubo lokusilela kwamanzi.

Ezinye izindaba zeStudio 7 ...

XS
SM
MD
LG