Inengi lingaba lombuzo othi abantwana beziphathamandla zebandla le ZANU PF abaphindiselwe ekhaya kuyonale iviki lililzwe le Australia, abazukuguqula amabizo abo na banikwe ingwalo zokuhambisa lezithupha, baphume kwele Zimbabwe besiya kwamanye amazwe aphetsheya. Abantwana abaxotshwe kwele Australia laba bagoqela abathathu abaka sibalukhulu webhanga elikhulu lelizwe, uMnumzana Gideon Gono, oyedwa okaMnumzana Emmerson Munangagwa, oka Commissioner wamapholisa u Augustine Chihuri, labanye.
Ingcwethi ecubungula ezombusazwe, esebenzela ugatsha olubona ngokungena lokuphuma kwabantu kwele Bhilithane, uMnumzana Bekithemba Mhlanga uthi abantwana laba balakho ukutholiswa ingwalo ezintsha sebeguqule amabizo kodwa ukungena emazweni afana labo Bhilithane, Melika lamanye kungaba nzima, esithi bangaya kuphela emazweni alobudlelwano lohulumende afana le China, le Malayisia laloba bengaguqulanga amabizo abo.