Inhlanganiso ezitshiyeneyo ezimela amalungelo abantu elizweni bezithe gwaqa lamuhla eHarare emhlanganweni obuqoqwe yinhlanganiso ye Zimbabwe Election Support Network, iZESN, lapho ezivumelane ukuthi azisekeli ukuvumelana okwenziwe ngamacele womabili eMDC le ZANU PF ngo Amendment number 18.
Inhlanganiso ebezikulo umhlangano, zigoqela i National Constitutional Assembly, iLawyers for Human Rights, i ZINASU, i NANGO, i Human Rights NGO Forum lezinye.
Umnu. Busani Ncube, obemele inhlanganiso ye Bulawayo Agenda kulo umhlangano uthi kuvunyelwene njalo ukuthi kube lomunye umhlangano omkhulu ngempelaviki ezayo ko Bulawayo, lapho inhlanganiso lezi ezizakhulumisana labantu makhaza ukuze zizwe imbono yabo ngaloludaba.