Amanye amabandla aphikisayo lawo njengenhlanganiso ezizimeleyo asola kakhulu inyathelo elithethwe ngamacele omabili e MDC ukuvumelana lebandla elibusayo ele ZANU PF ukuguqula isisekelo sombuso, u Ammendment Number 18, esithi ngabe kukhuthazwa ukulotshwa kwesisekelo sombuso esitsha. Kodwa amacele omabili e MDC alokhe emi ngelokuthi elizweni kuzakuba lesisekelo esitsha kungakenziwa ukhetho lomnyaka ozayo.Amanye amabandla angavumelani lo Ammendment Number 18 agoqela i Patriotic Union of Mandebeleland i PUMA, i ZAPU FP. I Studio 7 ikhulume lomkhokheli we ZAPU FP uMnumzana Paul Siwela othi ibandla leZANU PF yilo kuphela elizathola inzuzo ku Ammendment Number 18, hatshi amanye amabandla aphikisayo, lozulu.
