U Chancellor wakwele Germany uNkosikazi Angela Merkel ozakwethekelela amazwe amathathu akuzwekazi le Africa, agoqela i Ethiopia, Liberia le South Africa, kuyonale iviki ukhangelelwe ukukhuthaza uMongameli Thabo Mbeki wele South Africa ukuthi athathe amanyathelo aqinileyo kuhulumende weZimbabwe, ukuguqula umumo okhona khathesi. Kodwa okwakhathesi u Mbeki uphakathi kokuqhuba inkulumo zokukhumisana umlotha phakathi kwebandla elibusayo ele ZANU PF, lamacele omabili e MDC. Inengi lingasala lilombuzo wokuthi kambe uMbeki kukhona na okunye angakwenza, phezu kwenkulumo lezi ezokukhumisana umlotha?
Ingcwethi ecubungula ezombusazwe uMnumzana Zenzo Nkomo olilunga le Communist Party ye South Africa, utshele u Brenda Moyo we Studio 7 ukuthi okwakhathesi inkulumo lezi ezokukhumisana umlotha azikakhanyi ukuthi ziyangaphi, esithi uMbeki ulakho ukwethusela eleZimbabwe ngokuthi uzalethulela izijeziso zenotho.