Abasebenza emabhanga bathi uzulu labosobhizimusi kabalalelanga inkuthazo kasikasibalukhulu webhanga elikhulu lelizwe, sokuthi abalemali enengi bayise emabhanga ngoba imali yeZimbabwe isizaguqulwa isuswe njalo abanye o zero abambalwa.
Esethula umbiko wakhe oweMonetary Policy eHarare ngomvulo, uMnu Gono uthe uhlelo lwakhe, uOperation Sunrise lulakho ukuqala kumaviki amabili alandelayo yikho nxa lokhu kungenziwa abalemali enengi ezindlini lezitolo bazazithola sebethwele amaphepha angatsholutho. Uzulu ukhuxwayiswa ukuthi imali angayigcina ingekho emabhanga yi $50 million, amankampani amakhulu-$750 million kuthi amankampani amancane- $500 million.
Omunye osebenza ebhanga leCABS uthi imali esiwa emabhanga lokhe ugono ethule umbiko wakhe ayinengi njalo akula siphithiphithi esitshengisa ukuthi uzulu ulemali enengi. Umsekeli kanobhala jikelele wecele MDC elikhokhelwa nguMnu Arthur Mutambara njalo elilulga ledale lekhomidi elibona ngendleko, uNkosikazi Priscilla Misihairambwi Mushonga uphe uChris Gande weStudio 7 imbono yakhe ngaloludaba. UChris Gande uphinde waxoxalesakhamuzi sedolobha leGweru, uMnumzana Leonard Moyo ukuze sizwe ukuthi yena uzulu mathupha uthini ngokucitshwa kwabazero emalini.