Amankampani ezemigodhi aselobelane isivumelwano lenkampani yamandla kagetsi eye ZESA ukuthi azithengele amandla kagetsi kwele Mozambique ngemali yakwamanye amazwe. Amankampani la athi alahlekelwa ngumsebenzi omnengi kakhulu ngesikhathi amagetsi ecitshile osokwehlise lenzuzo yawo yikho esefuna ukuthi azidingele wodwa amagetsi ukuze enelise ukuqhuba imisebenzi yawo ngemfanelo. Amanye alamankampani agoqela i Impala, Aquarius Platinum, ZIMASCO, Rio Zim, lamanye. Kodwa ingcwethi ezicubungula ezombusazwe zithi laloba inyathelo elifuna ukuthathwa ngamankampani la lilihle, kuveza sobala ukwehluleka kwengatsha zikahulumende ukuqhuba umsebenzi. U Brenda Moyo weStudio 7 ukhulume leyinye yalezingcwethi, uMnumzana Dumisani Nkomo.