Ibutho lelizwe iZimbabwe National Army (ZNA) seliqalisile ukuqatsha amabutho elizweni lonke jikelele. Ngesikhathi sinye kubikwa ukuthi amabutho amanengi setshiye umsebenzi ngoba engathakazeleli iholo elincane alitholayo kanye lokusilela kokudla enkambeni lapho ahlala khona.
I ZNA ikhiphe umbiko lamuhla othi ukuqatsha lokhu kuzaqala kuviki ezayo eMatabaleland njalo abafuna umsebenzi kumele babe lama “O” levels amabili kuphela, kodwa khona kuvele kudingakala amahlanu. Ibutho lithi njalo abantu abenza izifundo zeNational Youth Service yibo abalethuba eliphezulu elokuthola lumsebenzi.
Sibelengxoxo loMnu Alex Nzondo owalwa impi yenkululeko ekuvuyo leZipra njalo wazokuba libutho kuleli okweminyaka phose amatshumi amabili othi yena inyathela likahulumende leli lingaba selikuveza mhlophe ukuthi sokulokusilela kwamabutho elizweni nanku phela sokuqatshwa labantu abangafundanga.