amalinks wokungena

Breaking News

Uhulumende Wengezelela Izisebenzi Zakhe Iholo


Izisebenzi zikahulumende lalezo ezisebenzela amankampani azimele wodwa zithi ukukhwezwa kwentengo yezinto okwenzakale insuku ezimbili ezedluleyo kuzakwenza ukuthi abantu abanengi batshiye umsebenzi ngoba ungasancedi kukanti bathi lesisenzo sitshengisa ukwehlula kukasibalukhulu we bhanga elikhulu lelizwe yena othe izinto zonke esezilezinyanga zingatholakali kuyathi linyanga isiya phela sezigcwele ndawana yonke ezitholo.

Kunjalo nje ingchwethi ezicubungula ezenotho zithi laloba uhulumende esengezelele izisebenzi zakhe iholo zibona ukukhalala imisebenzi kulakho ukwenzakala ngenyanga ezizayo ngoba intengo yezinto iqhubeka iqonga. Ukuze uhulumende avikele lokhu kuzamele ahlale ekhwezele izisebenzi zakhe iholo maviki onke, kumbe nyanga zonke, kutsho inghwethi ecubungula ezombusazwe kanye lezenotho, uMnu Mandlenkosi Gatsheni ongumbalise ekolitshini le Hillside Teachers’ College.

Ezinye Indaba ZeStudio 7...

XS
SM
MD
LG