Kubikwa kufe izizalwane zeZimbabwe ezine kwalimala ezilitshumi ngemva kokuba ikhombi ebitshayelwa ngumncedisi kamtshayeli isuke emgwaqweni yadlula phezulu kwamabantu kade belele esilindweni samabhasi edolobheni leLivingstone, eZambia.
Abalimeleyo laba abakaziswa amagama abo ngoba izihlobo zingakaziswa. Umsekeli kameya wedolobha leVictoria Falls, uMnumzana Million Moyo, ongomunye wabazama ukuncedisa abafelweyo utshele uChris Gande weStudio 7 okunengi ngesehlakalo lesi esenzakele izolo emadabuka kusa.
