amalinks wokungena

Breaking News

Amagqwetha Asa Udaba Lokuhlukuluzwa Kwawo Emthethwandaba


Inhlanganiso zamagqwetha, iZimbabwe Law Society leZimbabwe Lawyers for Human Rights kunye lamagwetha azimeleyo ayisikhombisa base incwadi emthethwandaba becela ukuthi umthethwandaba ubavikele ekuhlukuluzweni ngamapholisa. Sekuyimvama ukuthi amagqwetha amela abezombusazwe atshaywe kumbe ukuhlukuluzwe ngamapholisa.

Kuviki edluleyo elinye igqwetha elilwela ilungelo likazulu, uMnumzana Tafadzwa Mugabe, utshaywe lipholisa eHarare edinga ukukhulula amalunga eWOZA abebotshiwe ngemva kokutshengisela esola ukuhlukuluzwa ngamapholisa.

Kuncwadi eziyethule emthethwandaba lamuhla inhlanganiso lezi ezamagqwetha zithi umphathintambo obona ngokwenzakala elizweni, uMnumzana Kembo Mohadi kunye losikomitshi wamapholisa, uMnumzana Augustine Chihuri kumele babanjwe ngamapholisa ukuthi bagcwalisise izifiso zamagqwetha ezokusebenza bekhululekile. UChris Gande weStudio 7 uxoxe lomunye wamagqwetha ase lesi sicelo emthethwandaba, uMnumzana Harrison Nkomo ukuze sizwe okunengi ngaloludaba.

Ezinye izindaba zeStudio 7 ...

‚Äč
XS
SM
MD
LG