Uhulumende ubikwa esezama ngendlela zonke ukuthi abalimi abamhlophe abasala belokhu besemapulazini abo basuke. Sekusele abalimi abangamakhulu ayisithupha kuphela ilizwe lonke bona babesedlula izinkulungawane eziyisithupha kungakaqalisi uhlelo lokwaba umhlabathi ngomnyaka ka2000.
Abalimi laba babephiwe isingqumo sokuthi basuke emapulazini abo umhlaka 30 Mpandula engakafiki. Kodwa bona belokhu besemapulazini lawa besithi akula lapho abangaya khona. Abanye abalimi abamhlophe babikwa sebese udaba lwaba kumthethwandaba we SADC tribunal. Kodwa ingcwethi kwezomthetho zithi lokhu kufana lokutshaya isilwane ngempama ngoba lumthethwandaba ungela ngitsho amandla.
Umthethwanda weSADC tribunal oseNamibia wabunjwa ngomnyaka ka2005. Icala labalimi laba lizakuba licala lakuqala ukuthethwa yilumthethwandaba. UChris Gande weStudio 7 uxoxe lengcwethi ecubungula ezombusazwe uMnumzana Zenzo Nkomo ukuze sizwe imbono yakhe ngaloludaba.